Giaccherini season a tawp?

Kar tawp Premier League inkhelah Sun­derland leh West Brom te goal awm loin an inhnehtawk a, Emanuele Giaccherini chuan a kerekah hliam a tuar a, tun season-ah a inlan theih a rinawm tawh lo.

Kum 29-a upa Italian midfielder hi season tir lamah khan a kerek na vang bawk hian thla hnih chhung inkhel thei loin a lo chawl tawh a. A hliam dam hnuah a club tan game thum chauh a khel hman tihah a vanduai nawn leh ta a ni.

Kum 2013-a Juventus aṭanga Black Cats zawmtu hian tun season-ah a club tan hian game 10 chauh a la khel a, ṭum li chauh starting eleven-ah a la tel a ni.

Sunderland coach Gus Poyet chuan, "Sea­son tir lama a hliam na ngaiah bawk khan a hliam nawn leh a, Doctor ten tunkarah a test resut an chhuah hman ngei ang a a ṭha lam kan beisei a ni," tiin a sawi.