Wenger faktu Jose Mourinho

Chelsea manager Jose Mourinho chuan Arsenal manager Arsene Wenger-a'n a team a kalpui dan chu ṭha a tih thu a sawi.

Tunah hian Premier League hmahruaitu Chelsea hian point 60 hmuin hma an hruai fal mek a, pahnihna Manchester City nen an inthlauhna chu point nga a ni a, Arsenal nen an inkarah point 12 zet a awm bawk.

Blues boss Mourinho chuan, "Arsenal hian champion thei turin player an nei ṭhat bakah manager ropui tak an nei bawk. Amaherahwchu tunah hian an khel fuh lo rih deuh mai a ni. Wenger-a'n team a enkawl dan hi ṭha ka ti em em a, a hnathawh dan hi ka duh zawng tak a ni bawk. Experience a nei ṭha tawk tawh a, season tharah chuan team hlauhawm ber pawl an ni ngei ang. Kuminah pawh hian inthlahdah thei kan la ni lo, anni chuan season tawp ni thlengin an bei ṭhin a ni," tiin an elpui Arsenal a fak.