Napoli-in Sassuolo an hneh

Thawhṭanni zan khan Serie A-ah Napoli-in kim lo chungin Duvan Zapata leh Marek Hamsik goal thun an chhawr ṭangkai a, Champions League khelh an beiseina ti nung turin 2-0 in Sassuolo an hneh.

Stadio San Paolo-a inkhelah hian Napoli tan colombian player Zapata chuan minute 61 naah a khung a, minute 71 naah Hamsik goal khung tur a siamsak leh bawk.

Napoli winger Dries Mertens chu minute nga chauh khelmualah a awm hman tihin hnawhchhuah a ni a, mah se Napoli-in goal hnih an lo neih tawh sa avangin an goal hnih khung an venghim tluan a, an chak ta a ni.

Napoli hi season thara Champions League khel turin an dinhmun a ṭha sawt hle a, Serie A-ah pathumna ni mekin point 45 an nei tawh a, pahnihna ni mek AS Roma-in point 48 hmuin Napoli nena an inthlauhna hi point thum chiah a ni ta.