Matic 'red card' Chelsea-in khinglet

Chelsea chuan Inrinni zana Burnley an inhnehtawkpui ṭuma an midfielder Nemanja Matic 'red card' hmuh chu England-a football thuneitu sang Football Federation-ah an khinglet.

Kum 26-a upa Serbia midfielder hi Ashley Barnes a nam vangin hnawhchhuah a ni a, Barnes zawk hian Matic hi a tlawh hmasak avangin he inkhela referee Martin Atkinson thutlukna hi Chelsea chuan an pawm thei lo a ni.

Matic hian an hremna hi a tuar a nih chuan Pathiannia Capital One Cup final-a Tottenham Hotspurs an hmachhawn hunah a inlan thei dawn lo.

Premier League-a West Ham leh Southamp­ton an khelh hunah a khel thei lo bawk ang. Amaherawhchu English media te chuan Chelsea hian he thutlukna hi FA-ah khinglet mah se Matic hian Capital One Cup final squad aṭanga a inhnuhdawh thu an tarlang.