Neuer faktu Henry

Arsenal captain hlui Thierry Henry chuan FIFA Ballon d'Or nominee Manuel Neuer chu khelh dan thar hmuchhuaktuah ngaiin a fak hle.

Bayern Munich keeper Neuer hi keeper ni mah se sweeper ang maiin tlar hnung a pui ṭha a, 2014 World Cup-a Germany champion-na kawngah player pawimawh a ni.

Henry chuan, "Neuer aṭang hian thil thar kan hmu a ni. Keeper hna tura kan ngaih chin pawh kan thlak danglam phahin ka hria. Keeper-in back pass an man theih loh hnuah keeper chuan chuan ball chu an pass tam tehmeuh mai, amaherawhchu Neuer hi chu a zalen bik a ni. Tlar hnungah zalen takin ball a zem kual a, tunah chuan keeper zawng zawngin a khelh dan ang a khelh hi an châk tawh a ni," tiin a sawi.