Referee chief-in TV replay a duh

FIFA referee chairman leh Britain's FIFA vice-president ni bawk Jim Boyce chuan referee te'n tihsual an neih tam loh nan penalty area bik atan TV replay hman a duh thu a sawi.

Inrinnia International FA Board (IFAB), Belfast a ṭhuttkhawmah he thu hi an khel ber a ni nghe nghe. He boruak hi Inrinnia Chelsea leh Burnley an inkhelh ṭuma Nemanja Matic red card hmuh vangin sawi zui a hlawh lehzual a ni.

FIFA president Sepp Blatter chu video replay hmanga referee thutlukna manager te'n an khinlet theih dan tur duhtu zinga langsar pawl a ni.

Video replay hmanga referee thutlukna en­nawn hi Holland-ah chuan hman mek a ni a, referee zawng zawng ten headset vuahin TV-a lo entu official te'n headset kaltlang hian thil thleng dan an va hrilh ta ṭhin a ni.

Boyce chuan, "Goal line technology hman kha ka thlawp ṭhin. Tunah pawh hian video replay hman a hun leh tawhin ka hria," a ti.