Medal 13 la thei Ledecky!

Katie Ledecky chu United States hmeichhe zinga Olympic medal la tam ber a ni ta. Tui hleuh thiam Ledecky hian Paris Olympic 2024 neih laia women's 4x200m huangah silver medal a hlawh chhuak.

La Defense Arena-a intihsiakna neihah hian minute sarih leh 40.86 seconds chhungin an thleng a, inelna neih laiah hian 1500m freestyle leh 400m freestyle huangah medal a lo la tawh bawk - vawiin hian 800m freestyle a la hmachhawn dawn a ni.

Women's 4x200m-ah hian Australia chuan 7:38.08 chhunga thlengin gold medal an lak bakah Olympic record a siam a, pathumna chu China (7:42.34) an ni thung.

Tun hma lam nena chhutin Olympic medal a lak tawh zawng zawng chu 13 a tling a, heng zinga pariat chu gold medal niin silver medal pahnih bakah bronze medal pakhat a tel bawk.