Fulham-in McTominay an duh

Premier League club Fulham chuan a vawi hnih nan Scott McTominay lakluh tumin Manchester United an dawr nawn a, mahse, Red Devils hian Fulham dawrna hi an hnar dawn niin khawthlang media-te chuan an tarlang.

Season hmasa khan West Ham chuan McTominay hi lakluh tumin an lo dawr tawh a, Fulham-in an dawr ve leh tak avangin a hma hun a chiang lo - London club hian Scottish midfielder hi pound maktaduai 20-in an dawr.

United boss Erik ten Hag chuan, "Ka team-a Scot a awm hi lawmawm ka ti a, team tan a ṭangkai ṭhin hle. Tlarhma puih kawngah player pawimawh tak a ni," tiin a sawi a, McTominay cham dawn leh dawn loh erawh a sawi thei lo thung.

Kum 27 mi McTominay hian regular taka inkhelh a duh nia sawi a ni a, hei vang hian chhuah a hnial lo mai thei. Season hmasa khan United tan match 43 khelin goal 10 a khung a, assist vawi thum a nei.

Mahse, heng zinga match 27-ah chiah hian bul a ṭan a, match rukah bench aṭanga lakchhuah a ni bawk. United hian Bruno Fernandes, Mason Mount leh Casemiro an la neih avangin McTominay tan hmun pawimawh chan a harsa mai thei a, chhuah a thlang a nih pawhin a mak lo ang.