Roma-ah Pedro a lut

AS Roma chuan Chelsea atana contract hmang zo hlim Pedro chu free transfer-in an la lut. Spanish winger hian Italian club tan season thum daih contract a ziak a, a hlawh zat tur erawh tarlan a ni lo thung.

Barcelona player hlui Pedro hi kum 33 mi a ni tawh, Premier League a pan hnuah Blues tan match 206 khelin goal 43 a khungsak. London club tan hian league nomawi a chawi bakah FA Cup-ah a champion pui bawk.

Pedro chuan, "Roma ka zawm thei hi ka lawm, club-in thil tum sang leh ṭha tak tak a neih tih hlawhtlin tumin theihtawp ka chhuah ang. Fans lamin hlim takin min lo lawm a, anni nen a season thar hman theih ka chak tawh takzet," a ti.Italian football hian chawlh an hmang mek a, 2020-21 season thar chu September 19 aṭangin an khel ṭan ang.