Vawiin aṭangin CYMA Volleyball

LBS Suzuki 23rd Inter Branch YMA Volleyball Tournament 2024 chu vawiin aṭangin R. Dengṭhuama Hall, Mualpuiah khelh a ni dawn. Inelna ṭan ni hian mipa chauh an inkhel dawn a, chawhma dar 9:30 aṭangin an khel ṭan dawn.

Inelna hi August 2, Zirtawpni zan khan CYMA general secretary Prof. Malsawmliana'n Ben Hawnna a nei a, team tel turte chu dik tak leh fel taka inelna hmachhawn turin a chah.

CYMA leh MVA buatsaih inelnaah hian mipa inelnaah team 73 an tel a, City branch aṭangin team 43 telin City branch pawn aṭangin team 30 an tel. Hmeichhe inelnaah City branch aṭangin 24 an tel a, City branch pawn aṭanga pali telin an vaiin 26 an ni.

Inelna hi August 5-17, 2024 chhung hian R. Dengṭhuama Hall, Mualpuiah neih a ni ang.