Bayern-in Spurs an hneh

Khawchhak rama tour nei mek Tottenham Hotspur chuan Inrinni tlai khan Bayern Munich an hmachhawn a, Seoul World Cup Stadium-a inkhelah 2-1 in Spurs hi an tlawm.

Bayern tan Gabriel Vidovic leh Leon Goretzka ten goal khat ve ve an khung a, Spurs-in Pedro Porro hmangin goal khat an khung ve hram - Spurs tan South Korean mipuite atchilh rawn Son Heung-min inlan mah se, fan-te lawmna thlen turin goal a khung thei lo.

German club tan hian South Korea centre back Kim Min-jae a inlan ve bawk a, Seoul khawpuia fans 63,496 pungkhawm hmaah Bayern defender hian Son-a leh a ṭhiante chu hnehna hlado a chham khum.

Spurs hi an khawchhak tour zoin, London lamah an thlawk haw nghal a, August 10, Inrinni hian Bayern nen tho friendly match an khel leh ang - hei hi season ṭan hmaa an match hnuhnung ber tur a ni tawh dawn.

Ange Postecoglou enkawl Spurs hian Bayern an hmachhawn hma hian pre-season match li khelin, an chak vek a, khawchhaka an zinchhuahna bikah chuan Japanese club ṭha Vissel Kobe (3-2) leh K League XI (4-3) te an hneh a, a tawpah Bayern an ngam lo.