Barcelona-in Real Madrid an hneh

Nimin khan New Jersey, USA-ah Barcelona leh Real Madrid-ten pre-season friendly match an khel a, 2-1 in Barca an chak - Barcelona tan Pau Victor chuan goal hnih khungin, Real tana Nico Paz goal khungin awmzia a nei phak lo.

Barca-in US tour-ah match hnih khel tawhin, match hmasa zawkah Manchester City (2-2) chu an inhnehtawkpui hnuin, penalty-ah 4-1 in an chak a, Nilaini zing dar 5:00-ah AC Milan hmachhawn lehin, US-a an tour chu an duhtawk tawh dawn a ni.

Jude Bellingham leh Kylian Mbappe te hruai lotu Real-in US-a match hnih an khelhna niin, match hmasa zawkah Milan chu 1-0 in an lo ngam lo tawh bawk a, Nilaini zing dar 4:30-ah Chelsea nen an inkhel ang a, August 14 zana UEFA Super Cup khelh tur lam an hawi zui thei tawh ang.