Rio-ah Indian sprinter pahnih

Indian sprinter Dutee Chand leh Mohammad Anas te chu August thla a neih tur Rio Olympic-ah an inlan thei dawn.

Almaty, Kazakhstan-a G Kosanov Memorial Meet-ah Odisha nula Chand hian second 11.30 chhungin 100m a tlan thleng a, Olympic-a inlan turin a tling.

Indian quartermiler Mohammad Anas pawhin Polish Athletics Championship-ah 400m chu 45.40secs chhungin a tlan thleng a, Olympics ticket a neih theih phah.

Brazil khawpuia infiamna kutpui lian neih turah Anas hi track and field bika India infiammi inlan thei tur 21-na chiah a ni. Anas hian April thla khan Federation Cup National Athletics Championship-a silver medal a lo dawng tawh bawk.