Wimbledon Djokovic leh Federer Inhmachhawn dawn?

Kum 1877 aṭanga neih ṭan, khawvela ten-nis tournamet upa ber Wimbledon chu vawiin tlai aṭang hian All England Lawn Tennis leh Croquet Club, London, United Kingdom-ah khelh ṭan a ni dawn - July 10 hian fianl kheh tura ruahman a ni. Inkhel hi Star Sports 4-ah live a ni ang.

Kumina Grand Slam tournament pathumna tur Wimbledon-a intum turte chu Zirtawpni khan tih fel a ni a, champion lai Novak Djokovic leh hnuhma nei ropui ber Roger Federer te chu an chak zo chho zel a nih chuan semifinal-ah an inhmachhawn thei dawn.

Grand Slam vawi 12 champion tawh Djokovic hian vawiin tlai hian a match hmasa berah James Ward a hmachhawn a nga, a chak chho zel a nih chuan quarterfinal-ah service nei ṭha tak Milos Raonic nen an inhmachhawn thei ang.

Wimbledon vawi sa-rih champion tawh Fede-rer hian a match hma-sa berah world num-ber 51 Guido Pella a hmachhawn dawn thung a, world number 2 Andy Murray-a'n first round-ah a hnam pui Liam Broady a hmachhawn thung dawn a ni.

Kumin hi All Eng-land Lawn Tennis Club leh International Ten-nis Federation ten an buatsaih Wimbledon kum 130-na chiah a ni a, mipa (single leh double), hmeichhia (single leh double), mixed double, mipa (under 18 - single leh double) leh hmeichhia (under 18 - single leh double) hmangte a inelna hi neih tur a ni.