Saints player thar Redmond

Southampton chuan Norwich City winger Nathan Redmond chu kum nga chhung atan an la lut a, England Under-21 international man zat hi puan zar ni chiah lo mah se pound maktaduai 10 vel a nih rin a ni.

Saints hi an manager Ronald Koeman-a'n Everton a pa san hnuah manager thar an la nei lo a, season thar inbuatsaih nan player thar an nei hmasa zawk. Birmingham-a piang Redmond hian Norwich tan kum thum a khelh chhungin match 122-ah inlanin goal 13 a khung sak.

Kum bithliah inelna lamah chuan Redmon hi England tan a inlan kim tawh a, Saints trio James Ward-Prowse, Jack Stephens leh Matt Targett te nen hian U21 team-ah an khel ho nghe nghe.

Kum 2013-a Birmingham City aṭanga pound maktaduai 3.2 a Norwich zawmtu Redmond chuan, "Sou-thampton-in min ngaihven tih ka hriat khan an hnena kal hi ka duh nghal, a chhan chu he club hian attacking game khelh an duh a, chu chu ka khelh thiam dan leh dun dan ber a ni bawk. He hmunah hian hmasawn theih nge ka inbeisei," tiin a sawi.