Alkmaar-in Spurs dilna an hnawl

Dutch top-flight club AZ Alkmaar chuan Tot-tenham-in Netherlands striker Vincent Janssen lei tuma an dawrna chu an hnawl sak.

Kum 22-a upa Janssen hian Eredivisie-a a season khatnaah goal 27 khungin club lian ṭhenkhatin an ngaihven zui nghal a, Spurs chu thawm nei ring ber an ni.

Premier League pa-thumna Spurs hian Jans-sen manah pound mak-taduai 11.31 an theh chhuak phal a, AZ Alkmaar lam hian an player manah hian pound maktaduai 16.15 an chhiar thung.

AZ technical director Max Huiberts chuan, "Lei tur min dawrna leh kan phalna zat chu a inthlau lutuk deuh a ni. Club hrang hrang aṭangin min betu an awm a, mahse kan duhna zata ngam an la awm rih lo," tiin a sawi.

Dutch striker Janssen duhtu zingah hian AZ technical director Huiberts chuan Bundesliga club Wolfsburg pawh an tel thu a sawi bawk.