Delhi Dynamos-ah Rivaldo?

Brazilian international hlui Rivaldo chu Indian Super League (ISL) season 3-ah a hmel kan hmu mai thei.

Season hmasa khan ISL club Delhi Dynamos chuan player -manager atan Roberto Carlos an lo ruai tawh a, tunah hian Rivaldo leh Italian footballer hlui Ciro Fer-rara te chu marquee ma-nager turin an dawr mek nia sawi a ni.

Tun thla tawp hian ISL club te chuan an manager tur an puan chian a hun tawh dawn a, Delhi Dynamos hian Rivaldo hi an lalut dawn a nih chuan an tihfel hman a ngai tawh ang,

Kum 44-a upa Ri-valdo hi a vanglai chuan khawvela attacking mid-fielder ṭha berte zinga mi a ni a, kum 1997-2002 chhung khan Spanish club Barcelona tan match 253 a khelh aṭangin goal 136 a khung a, La Liga nomawi pahnih bakah Copa del Ray-ah a champion pui.