Praful Patel ban duhtu MP

Sporting Club de Goa leh Salgaocar ten I League aṭanga an inhnuh-dawh thu an puan hnu lawkah Dempo SC-in inhnuhdawh an ngaihtuah thu an sawi ve leh a, Indian footballer chawl tawh zinga member of parliament awmchhun Prasun Banerjee chuan Indian football buaina hi parliament-ah a sawi chhuah tur thu a sawi.

India captain hlui chuan, "AIFF president Praful Patel hian Indian football hi a hmangaih hlawl lo a, hei vang hian a hma thei ang bera a nihna hi chawlhsan turin ka duh. Hemi chungchang hi Lok Sabha kan ṭhutkhawm leh hmasak berah ka sawi chhuak ang," tiin chet nat a tum hle.

Kum 61-a upa politi-cian hian infiammi chawi-mawina sang Arjuna Award pawh a lo dawng tawh a, Indian player Asian All-star XI tana inlan phak pahnih zinga pakhat zawk niin midfielder a ni a, a thu-sawi hian ngaihven a hlawh nghal hle a ni.