USAM Sportsman of the Year Jeje

Jeje Lalpekhlua chu USAM Sportsman of the Year 2016 atan thlan a ni. Zirtawpni zan khan Ignite Studio, Khatla-ah USAM Sports Awards 2016 sem a ni a, award pariat sem chhuah a ni. USAM Awards hi kum 2010 leh 2013-ah te sem a lo ni tawh a, kumin hi a vawi thumna a ni.

Mizo zinga India senior team captain ni thei hmasa ber Jeje hian season hmasa khan Mohun Bagan chu I League-ah champion pui zo lo mah se Federation Cup-ah champion puiin top scorer a ni bawk. Season liam ta khan India ramah Hnahthial tlangval aia che ṭha hi football bikah an awm lo a, FPAI Indian Player of the Year dawngtu Mizo striker hi Mizoram Football Association pawhin chawi-mawina a hlan tawh bawk.

Hockey player H. Lal-ruatfeli chu Sport-woman of the Year ata thlan a ni a, Lalruatfeli hi tunah India camp, Bangalore-ah awm mekin Rio Olympic-a India aiawh thei turin a inpuahchah mek.

Most Promising player of the Year (Boy) chawimawina dawngtu chu cadet boys-a India no.1 pawh lo ni tawh Jeho Himnakulhpuingheta a ni a, ani hi India rama Table Tennis Academy ṭha berte zinga mi Petroleum Sports Promotion Board, Rajasthan aṭanga zir chhuak a ni.

USAM Sports Award 2016

Sportsman of the Year Jeje Lalpekhlua, Football

Sportwoman of the Year H. Lalruatfeli, Hockey

Most Promising player of the Year (Boy) Jeho Himnakulhpuingheta, TT

Most Promising player of the Year (Girl) Lalhumhimi, Judo

Coach of the Year (Girl) C. Vanlalchhuanga, Boxing

Sports Promoter of the Year Robert Romawia Royte

Awards (Chawimawina) Zonet Cable TV, LPS Vision,

Lalrintluangi (Mt Everest Summiter)

Special Awards KS Thanga, MLA