Wolfsburg player thar Bruma

German Bundesliga club Wolfsburg chuan Dutch international de-fender Jeffrey Bruma chu PSV aṭangin an la lut.

Chelsea player hlui hian Volkswagen Arena-ah kum 2021 thleng cham turin contract a ziak. Tun hmain Bruma hian loan-in Bundesliga club tho Hamburg tan season hnih chhung a lo khel tawh bawk.

Kum 24-a upa Bruma hian 2013 season khan PSV hi a zawm a, Dutch club tan hian inelna hrang hrangah match 113 khelin league-ah vawi hnih a champion.

Wolfsburg sporting di-rector Klaus Allofs chuan, "Jeffrey-a'n VfLWolfsburg zawm a duh hi kan lawm a, champion boruak tawng tawh a nih avangin inrintawkna a nei sang a, hei hi player dangte tan a ṭangkai ang. He hmunah hian tun hma zawng aiin hma a sawn belh pawh kan beisei," tiin Eredivisie-a vawi hnih champion tawh Bruma chungchang a sawi.