Alves-a'n Turin a pan

Brazil defender Dani Alves chuan Barcelona chhuahsanin Juventus a zawm dawn a, nimin khan medical test nei turin Turin a pan.

Alves hian kum 2008 khan Sevilla chhuahsanin Barca hi a zawm a, Catalan club tan hian match 391 khelin goal 21 a khung. Nou Camp-a hun a hman chhungin Spanish La Liga-ah vawi ruk champion-in Copa del Rey vawi li leh UEFA Champions League nomawi vawi thum a chawi hman.

Kum 33-a upa Alves hian Catalan club-ah hian season khat chhung atan contract a la nei mah se a contract hi a hmang zo a nih chuan free transfer-in a duhlam a hawi thei dawn. Barca tan chuan man nei a chhuahtir a theih laia chelh loh hi a finthlak zawk.