National champion Jeho-a

Jeho Himnakulhpuingheta chuan Alberto Lalremruata hnehin Mizo naupang zinga sub junior boys (U-15) champion ni thei hmasa ber a ni.

National Table Tennis Championship 2016 chu June 25 aṭang khan Chandi-garh-ah neih a ni a, Pathianni zan khan sub junior boys (U-15) final khelh niin Mizo naupang pahnih an inhmachhawn - Lunglei Salem Veng naupang Jeho-a hian Mission Veng naupang Alberto Lalremruata lakah 4-3 in hnehna a chang.

Petroleum Sports Pro-mo-tion Board (PSPB)-a inzir Jeho-a hi India sub junior boys (U-15) single number 1 thar niin Alberto hi number 2 a ni ve dawn bawk. Jeho-a hi Mizo nau-pang zinga Table Tennis India Cadet Boys champion ni thei hmasa ber a lo nih tawh bawk a - National Child Award leh USAM Sports Promising Players of the Year 2016 atan thlan a ni tawh bawk.