Arsenal forward Sanchez-a ke rek a na

Arsenal forward Alexis Sanchez chuan Copa America Centenario champion nomawi an chawi hnuah a ke rek nat thu sawiin Instagram-ah a thlalak a tarlang bawk.

Thawhṭanni zing khan Copa Amarica final khelh a ni a, hun pangngaia an inhnehtawk hnuah Chile chuan Argentina chu penalty shootout-ah 4-2 a hnehin a vawi hnih nan an champion.

Barcelona aṭanga Gunners zawmtu Sanchez hian Copa khelh zawh takah khan goal thum a khung a, a ṭhiante goal khung tur vawi li lai a siamsak bawk. Final-ah khan minute 100-naah thlak ngai mah se best player atan thlan a ni ta tho.

Kum 27-a upa Sanchez hi nikum khan Copa final a khelh avangin Arsenal manager Arsena Wenger chuan chawlh a lo pe rei bik tawh a, kuminah pawh hian Chile international hi Premier League season tirah a inlan thei ang ngem tih a chiang lo.

Chile tana match 100 a khelh
aṭanga goal 34 khung tawhtu Sanchez chuan Twitter-ah, "Ka theih tawpa rei ka thup a, huaisen takin ka bei. Na mah ila ka hlim," tiin tiin natna tuar mah se an cham-pion vanga a hlim tho thu a sawi.