US basketball squad-ah Irving leh Durant

Rio Olympic-a in-lan tur United States bas--ket-ball squad tarlan a ni a, player langsar awm-khawm zingah Kyrie Irving, Carmelo Anthony leh Klay Thompson te hming a langsar fal hle.

Oklahoma City Thun-der power forward Kevin Durant pawh coach Mike Krzyzewski-a'n player 12 a koh zingah a tel. NBA Most Valuable Player Stephen Curry leh LeBron James te erawhin chawlh an duh avangin Olympic-a inlan an tum loh thu an lo sawi tawh thung.

US hi Olympic hnu-hnung pahniha champion team an ni a, kumina thlan zinga mi Anthony hi an ram chanchina Olympic vawi li khel tura thlan hmasak ber a ni.

USA Basketball Board of Directors chuan an basketball squad hi an pawm tawh a, mahse Brazil-a kal tur chuan United States Olympic Committee pawmpawina an la mamawh thung.

US basketball team managing director Jerry Colangelo chuan, "Olympic gold medal dawng thei turin beiseina kan nei sang hle," a ti. USA head coach Mike Krzyzewski chuan player ṭha rual leh coaching staff ṭha tak te nena inbuat-saihna neih chhoh chu a phurawm hle a, a hriat thu a sawi ve bawk.