Liverpool player thar Mane

Southampton striker Sadio Mane chuan nimin khan Liverpool a zawm fel ta. Mane man zat hi BBC chuan pound maktaduai 34 niin a ziak a, Senegal international man zat hi pound mak-taduai 36 thlenga sang chho thei tura tarlan a nih avangin Liverpool player manto ber Andy Carroll (£35m) a khum thei dawn tihna a ni.

Senegalese forward Mane hian kum nga atan contract a ziak a, Liverpool boss Jurgen Klopp-a'n Borussia Dort-mund aṭanga a hmelhriat tawh Mario Gotze chu Bayern Munich aṭanga lakchhuah theih a inbei-sei loh vangin Sou-thamp-ton forward hi a melh ta niin sawi a awm bawk.

Season hmasa khan Mane hian inelna hrang hrangah Saints tan goal 15 a khung a, Premier League bikah match 37 a khelh aṭangin goal 11 a khung bawk.

Kum 24-a upa Mane chuan, "Vawiin hi ka tan chuan hun pawimawh a ni a, Europe club ropui ber zinga tel pha tana ka khel phak tur hi ka lawm a ni," tiin a sawi.

Reds hian St Marys Stadium aṭangin Adam Lallana, Dejan Lovren, Rickie Lambert leh Nathaniel Clyne te chu Anfield pan turin an thlem thlu tawh a, Mane hi kum 2014 nipui hnu lama Saints aṭanga Liverpool pantu pangna a ni.

German manager Klopp hian Marko Grujic, Joel Matip leh Loris Karius te a la lut tawh a, Senegalese forward Mane hi pangna niin squad tichak turin player dang a melh chhoh zel a rinawm bawk.