Iceland - Viking chant

Euro 2016-ah Iceland in khelmual chhunga result vangin mipui lawm an hlawh a, player-te leh anmahni ṭantuten inkhelh banah an chak an lawm danin ngaihven a hlawh bawk. Iceland player-te leh supporter te inkhelh bana a ruala ban an phar a, thu an chham kha 'Viking chant' tih a ni.

Iceland-ah hian mipui 3,23,000 vel lek awmin Premier League champion Leicester City awmna khuaa mipui zat vel an ni a, Mizoram mipui hmun thuma ṭhena hmun khat an tling pha lo. An ram mipui 10% velin inkhel en turin France an pan a, Iceland khawpui Reykjavik-a inkhel e nkhawm zat pawh hi an khaw mipui zat ngaihtuah chuan tam tak an ni a, England an hneh zawh hnuin 'Viking chant' nen an khawtualah Iceland mipuiin an chak an lawm.