Alves-a'n Juve zawm fel ta

Juventus chuan Dani Alves chu free transfer-in Barcelona aṭangin an la lut fel ta. Brazil defender hian Turin club tan hian kum hnih chhung tan contract a ziak.

Barcelona right back hian kum 2017 June thla thleng Catalan club tan hian contract a nei a, mahse a contract-ah hian 'a duh a nih chuan free transfer-in a chhuak thei ang' tih an lo ziak tel a ni.

Kum 33-a upa Alves hi 2008 July khan Sevilla
aṭangin Barcelona a zawm a, nomawi 23 zet a chawi pui hnuah Serie A lam a hawi san dawn ta a ni.

Tun nipui chhungin Juve hian AS Roma aṭangin Miralem Pjanic an lo la lut tawh bawk a, Alves hi an pla-yer lei thar pahnihna a ni.