Raffael-a'n contract thar ziak

Borussia Monchen-gad-bach forward Raffael chuan kum 2019 thleng a club-a cham chhunzawm turin contract a pawt sei.

Kum 31-a upa Raf-fael-a contract neih lai hi 2017 season khian a tawp tawh dawn a, contract thar a ziah leh tak avang hian Bundesliga club tan hian kum khat dang a cham belh leh dawn. Raffael hian Dynamo Kiev aṭangin kum 2013 khan Borussia Park hi a zawm a, match 116 a khelh tawh aṭangin goal 44 a khung tawh.

Season hmasa khan Raffael hian Bundesliga-ah goal 13 a khung a, Robert Lewandowski, Pierre-Emerick Aubameyang, Henrikh Mkhitaryan leh Thomas Muller te chiah hi German league sang bera goal khung lama a tluk lohte an ni.