Juventus hi hneh an harsa - Napoli president

Napoli president Au-relio De Laurentiis chuan an elpui Juventus chu elphak mai bakah anni aia sang a awm a harsat thu a sawi a, a chhan bulpui ber chu Turin club hian sum an ngah vang niin a sawi lang tel bawk.

Juventus hian tun hnai season nga chhung chu chuhbuaitu awm loin Italian Serie A nomawi an hui vek a, season liam ta khan match hmasa 11 an khelh aṭangin table hnuai lamah awm mah se an insiamṭhat hnuah Juve hi hnehsawk takin an champion leh tho.

Napoli hian Serie A top scorer Gonzalo Higuain kawl mah se, league match 35 a khelh aṭanga goal 36 khungtu Argentine striker hian a club chu a champion pui zo chuang lo.

Juve nen an inthlauhna chungchang sawiin Lau-rentiis chuan, "Juve hi an chungnung a, keini aiia an san zawk chhan chu an sum dinhmun ngelngheh vang a ni. Anni hi chuan kan sum hman let thum vel an hmang thei reng. A sang ber ni tur chuan a bul aṭanga kan insiamṭhat a ṭul a, stadium chu bul
ṭanna tur langsar pakhat a ni," tiin a sawi.