Burnley-ah kum khat dang Robinson

Paul Robinson chuan Premier League kai thar Burnley tan kum khat daih contract thar a ziak.

Burnley goalkeeper Robinson hian kumin January thla khan Turf Moor hi a zawm a, hei hi captain leh number one choice ni bawk Tom Heaton inhliam vang a ni, season tharah pawh Heaton thlachhangdawltu a ni chhunzawm ang.

Kum 36-a upa Robin-son hian England tan pawh match 41 a lo khel ve tawh a, mah se September 17, 2014 hnu lamah ram tan a la inlan leh lo thung.

Burnley boss Sean Dyche chuan Leeds, Tottenham leh Blackburn tan pawha lo khel tawh a player chungchang sawiin, "Kan hnena cham chhunzawm a duh hi a lawmawm a, a tawn hriat neih sa hi he team tan hian a ṭangkai," tiin a sawi.