Celtic-in Dembele la lut

France Under 20 striker Moussa Dembele chuan Scottish champion Celtic tan kum nga diah contract a ziak - Brendan Rodgers-a'n tun nipui chhunga a player lakluh hmasak ber a ni.

Hetih lai hian forward Stefan Scepovic erawh Spanish club Getafe-ah a ngetin an kaltir dawn thung. Kum 26-a upa Scepovic hian kum 2018 thleng cham turin contract la nei mah se season hmasa a loan-a a lo khelh tawhna Getafe a zawm nghet dawn ta zawk a ni.

Dembele hian Paris St-Germain aṭangin kum 16 chauha upa a nih lai-in Fulham a zawm a, November 2013 khan Pre-mier League-a a match hmasa ber khelin West Ham United a hmachhawn a. Kum 19-a upa Dembele hian season hmasa khan Championship club Ful-ham tan hian match 46 a khelh
aṭangin goal 17 a khung.