MPL-a kai thar Chhinga Veng FC thawm a lian nghal!

Nimin khan Chhinga Veng FC chuan MFA Registration Committee hnuaiah player 23 an ziak lut a, kai thar kuma champion nghal thei turin squad an nei ṭha.

Chhinga Veng FC hian MPL4-a Dinthar FC coach Lalremtluanga chu team enkawl turin an la lut a, an player ziah luh zinga a tam zawk hian MPL-ah tawnhriat nei satliah loin an team tana player
ṭangkai ni pha an ni.

MPL kai thar Chhinga Veng player zingah MPL best forward leh top scorer ni tawh MS Dawngliana (Dawngtea) a langsar a, Aizawl FC aṭanga an lakluh winger H. Lalmuankima hi a khelh
ṭhat ni chuan re-sult ti danglam thei a ni a, Dinthar FC lo cham-pion pui tawhtu Ronald Zothanzama leh Aizawl FC champion pui tawhtu Lalrozama Fanai te chu tlarhnung lamah in-nghahna tham an ni.

AFC B Licence nei coach RT-a'n season liam ta khan player langsar nei lo chungin Dinthar FC chu team ṭha zinga chhiar theih khawpin a enkawl a, MPL4-ah Aizawl FC chak tluang lai an ti tawp a, Mizo club zinga I League khel hmasa ber an hneh
ṭuma goal khungtu Kelkang tlangval Lalkhawpuimawia chu a club tharah hian a la lut tel nghal bawk.

MFA hnuaia inziak lut tawhte

Chhinga Veng FC

Goalkeepers

1 R. Lalhmangaihzuala Lengpui

2 Vanlalawmpuia North Mualcheng

3 Vannunmawia Venghlui

Defenders

4 Ronald Zothanzama Bawngkawn

5 R. Laldinliana Armed Veng South

6 Lalramfelpuia Thilsulthliah

7 K. Lalthlahlova Champhai Zotlang

8 Lalrozama Fanai Bawngkawn

Central midfielders

9 Lalchhanchhuaha Champhai Zotlang

10 Paul Ramfangzauva Kolasib Vengthar

11 Vanlalthanga Hualngohmun

12 Lalsawmzela Champhai Kanan

13 Vanlalhriata Vaivakawn

14 Francis Zonuntluanga Leitan

Wingers

15 H. Lalmuankima Bawngkawn

16 Lalramliana Varte Sihphir

17 Isak Lalremruata Chhinga Veng

18 Lalthlamuana Mamit

19 Zonunsanga Hmar Champhai Vengsang

Forwards

20 MS Dawngliana Bawngkawn

21 Lalkhawpuimawia Kelkang

22 Joseph Lalnunpuia Salem Veng

23 Vanlallawma Khawzawl Electric Veng

24 PC Vanlalhmangaihzuala Khawzawl Vengthar