Argentina manager a nghet

Argentinian Football Association (AFA) chuan an manager Gerardo Martino chuan Rio Olympic-ah an ram team a enkawl chhun-zawm tur thu an sawi chiang.

Thawhṭanni zing khan MetLife Stadium-ah Copa America final khelh a ni a, Argentina chu nikum final-a an hneh loh Chile lakah penalty shootout hmang bawkin an chak lo leh a ni.

Argentina captain Lio-nel Messi chuan ram tana inkhelh a chawlhsan thu a sawi zui nghal a, Javier Mascherano, Sergio Aguero leh Angel Di Maria te pawhin Argentina kawr an ha chhunzawm zel dawn em tih a a chiang lo a, coach pawh hi chhuak tura sawi thawm a lian hman hle.

Argentina FA chuan thuchhuah siamin, "Karleh Thawhṭannni aṭangin Gerar-do Martino leh a coa-ching staff-te chuan an hna pangngai an thawk chhunzawm leh tawh ang. Rio Olympic 2016-a Under 23 team te inbuatsaihna an neih pui ang," an ti.