MFA SUPER CUP team 38 awm tawh

Mizorama football club division hrang leh district hrang hranga awmte inelna, MFA Super Cup-ah club 38-in nimin thleng khan hming an pe tawh. Vawiin hi tel tum tan hming pek luh ni hnuhnung ber a ni.

MFA Super Cup 2016-ah hian champion-in Rs 1,50,000 an dawng dawn a, champion nomawi lian
ṭha tak an dawng bawk ang.

He inelna hi division hrang mai pawh ni lo, district hrang hranga awmte inelna tur a ni. Knockout system-a khelh tur a ni a, minute 90 chhunga a che ṭha zawk zel an tlang ang.

Mizoram Premier League club-te chu round of 16 aṭangin an inlan dawn a, a bak hmun ruak pariat hi club hrang hrangin an inchuh ang. Club tenau zawk nia langte tan MPL club khelh theihna hun remchang leh vanneih chuan hneh theihna hun a inhawng.

Vawiin thleng hian tel tum tan MFA office-ah entry fee Rs 500/- a la pek theih a ni.