West Warriors 26 zingah Muanzuala

Transfer tawp niah Chanmari West FC-in Lengpui rawlthar duh-awm Lalmuanzuala an lalut a, West Warrior boss HC Zarzoliana chuan Royal Wahingdoh aṭanga inzir chhuak forward hian team a tihchak ngei a rinthu Vanglaini palai a hrilh.

ZoFooty coach of the year chawimawina ṭum hnih dawng tawhtu HC Zarzoliana chuan, "Dinthar FC leh Chanmari FC ka enkawl lai kha chuan kan duh ang player kan lalut thei a, tunah erawh duhzawng apiang lalut thei kan ni tawh lo. MPL5 hi ka tan chuan chona lian ber a ni a, kan budget thlir chuan kan player lakluh hi a
ṭha tawk hle," tiin chona hmachhawn a châk tawh thu a sawi.