Wimbledon Kozlova lakah Radwanska chak nuamsa
Nilaini zan khan London-ah ruah a sur avangin Wimbledon 2016 hmeichhe single inkhel a khaihlak a, inkhel paruk ngawt
ṭhulh a ni - Centre Court-ah erawh a chung khuhna a awm avangin harsatna awm loin inkhelh theih a ni a, Agnieszka Radwanska chuan Kateryna Kozlova lakah nuamsa taka hnehna changin second round a lut.
Seeded pathumna Radwanska hian darkar khat leh minute thum chhung lekin Kozlova hi 6-2, 6-1 in a hneh. Poland nula Radwanska hian set khatnaah ball vaw na tak Kozlova lakah hian a service vawi khat hloh mah se a insiam ṭha zui nghal a ni.
Player pahnihte hi tun hmain an la intawng ngai lo a, tun ṭum hi an vawi khat intawnna chauh a ni. Kum 22-a upa Kozlova tan phei chuan kumin hi Wimbledon a khelh ṭum khatna chiah a ni nghe nghe.
Ruah sur chunga an inkhelh chungchang sawiin 2012 runner-up Radwanska chuan, "Indoor tournament ang mai niin ka hria. Grand Slam inelnaa darkar khat chhung vel a hnehna chan theih hi chu a ṭha hleah ka ngai," a ti.
World number 3 hian tun hnai kum thum chhungin ṭum hnih semifinal a lut thei a, kuminah pawh hian player beiseiawm pawl niin second round-ah Croatia nula Ana Konjuh a hmachhawn leh ang.
Inkhel dang
Wimbledon vawi hnih cham-pion tawh Petra Kvitova-i'n a match hmasa berah harsatna a tawk lo a, Sorana Cirstea chu darkar khat pawh tling loah 6-0, 6-4 in a hneh. World number 10 hian second round-ah Ekaterina Makarova leh Johanna Larsson te inkhela a chak zawk a hmachhawn leh ang.
Dam lohna vanga kum bul a-
ṭan ṭhat loh hnua khel ṭha chho leh mek Kvitova chuan, "Sorana kha grass court-ah chuan hmachhawn a awlsam lo ang tih ka ring lawk, mah se ka beisei aia ka khelh
ṭhat avangin ka lawm. Minute 15 chhungin set hmasa ka la hman a, set hnuhnung zawk kha chu a awlsam tawh," a ti.
Seeded 32-na Andrea Petko-vic chuan 3-6, 7-5, 6-2 in Elena Vesnina a lo hneh ve bawk. German star Petkovic hian French Open-ah khan semifinal a lut a, Australian leh US Open-ah quarterfinal a lut bawk. Wimbledon-ah hian third round a la pel ngai lo thung a, kuminah hian beisei a nei sang.
Inkhel dangah seeded pasarih-na Belinda Bencic chuan Tsvetana Pironkova 6-2, 6-3 in a hneh a, Anastasia Pavlyuchenkovate pawhin Su-Wei Hsieh lakah 7-5, 1-6, 6-1 in hnehna a chang ve bawk.