Bolt leh Jatlin an ngaihnawm nghal

Usain Bolt hi khawvela tlan chak ber a ni mek - amah elphak deuh ber Justin Gatlin nen hian khawvel mipui hmuh chak an ni a, Olympic
ṭan a nih hma hauhin sprinter pahnih hi an ngaihnawm nghal hle. Nikum August thla khan Bird's Nest Sta-dium, Beijing-a 100m in-tlan-siakah Bolt hian Gatlin hi a lo hneh tawh.

Jamaican sprinter Bolt hian Olympic leh World Championship-ah 100, 200 leh 4x100m gold medal a kawl khawm vek mek. American sprinter Gatlin chuan Rio Olympic zawhah chuan gold medal chu United States-a an hawn tawh tur thu a sawi a, "Ka nghawnga gold medal awrh chungin LA leh New York-ah te kan zin kual ang," tiin pahnihna nih a tum lo.

Kum 29-a upa Bolt chuan, "Miin eng thil nge an sawi tihah ka buai ve ngai lo a, ka thil tumah ka chiang mai ṭhin. Ka taksa a hrisel ṭhat bakah ka fit a nih phawt chuan Rio-ah hian tu tan pawh hneh ka harsa khawp ang," tiin vau zam chi a nih hmel lem loh.

Bolt chuan beisei a neih san thu sawi chhun-zawmin,"Tun thlatir khan Racers Grand Prix-ah second 9.88 chhungin 100m ka tlan thleng thei leh tawh a, hei hi an ngaiven ve ngei chu ka ring," tiin a elpuite tan a la tlak hniam loh thu a sawi tel bawk.