Rio lamah Phelps

Olympian zinga ropui berte zinga mi Michael Phelps chu Rio Olympic-ah a hmel kan hmu leh dawn a, United States tan 200m butterfly-ah a inlan ang.

Olympic gold medal 18 teh meuh la tawhtu Phelps hian 2012 London Olympic zawh khan tui hleuh a chawlh san a, kum 2014 khan a lo kir leh. Mahse, dan kalha zu a inlai man a ni a, tui hleuh intihsakna aṭangin thla ruk chhung hrem a ni.

US tana Rio-a inlan tur hian enchhinna neih a ni a, kum 31-a upa Phelhps hian 200m butterfly-ah hnehna changin a inlan thei dawn. Ani hi Olympic-a vawi nga inlan thei tur hmasa ber a ni ang.

Olympic medal 22 la tawhtu Phelps chuan, "Ram aiawh tura tel ve kha ka tum ber a ni a, tunah chuan duhthusam a thleng dik phawt. Hun harsa leh hrehawm tak tak ka paltlang hnua hetiang dinhmun ka thleng leh thei hi ka lawm," a ti.

Phelps bakah hian 400m freestyle world champion Katie Ledecky leh London Olympic-a medal panga latu Missy Franklin te chu US team-a hming langsar zinga mi an ni.