Daniele De Rossi dinhmun a chiang lo

Italy team doctor Enrico Castellacci chuan Daniele De Rossi chu Inrinni zana Germany nen Euro 2016 quarterfinal an khelh hunah a inlan theih dawn leh dawn loh a chian loh thu a sawi.

AS Roma midfilder ṭha De Rossi hi last 16-a Spain nen an inkhelh ṭuma an nghawk avangin secondhalf ṭan aṭanga minute kuana lekah thlak a ngai a, a aiah Thiago Motta dah luh a ni. De Rossi hian Thawhlehni leh Nilaini khan Italy training pawh a zawm thei lo. Motta hian hrem a tawh zui avangin Germany a hmachhawn thei dawn lo.

Castellacci chuan, "Inkhelh hmain hun atam tawh lo tih kan hria a, a dam thuai theih nan kan theihna leh thiamna zawng zawng kan hmang," a ti.

Hetihlai hian Italy coach Antonio Conte tana thu lawmawm pakhat chu Antonio Candreva a dam tawh hi a ni. Lazio winger hian a ṭhâl na vangin Italy match hnuhnung pahnih a khel thei lo a, a hliam hi dam ṭan tawh mah se ani pawh hi a dinhmun a chiang fak chuang lo a ni.