Brazil squad-ah Neymar

Rio Olympic-a Brazil aiawha football khel tur player 18 hming puanzar a ni a, Barcelona forward Neymar leh Bayern Munich winger Douglas Costa te koh an ni.

Olympic-ah hian Un-der-23 team ten inelna an nei ṭhin a, kum 23 chung-lam pathum telh phalsak ṭhin an ni. Neymar leh Costa bakah goalkeeper Fernando Prass chu kum 23 chunglam player pathum an ni.

Brazil hian Copa America group stage an paltlang zawh loh hnuah coach Dunga an ban a, Olympic-ah hian Under-20 coach Rogerio Micale chuan an ram team hi a enkawl ang. Inelna thlengtu an nih avang hian an ram chanchina a vawi khat nan champion nih an tum a, captain Neymar pawh hian Copa a khelh loh phah zawk hial a ni.