Calcutta Football League-a inlan tur Mama

Mizoram aṭanga professional foot-bal-ler hmasa ber S. Malsawmtluanga chuan Calcutta Football League (CFL) club Bhawanipore a zawm a, Nilaini khan club training a zawm tawh.

Season 12 chhung India ram club football inelna sang ber Natio-nal Football League leh I League-a lo khel tawh Mama chuan, "Bha-wanipore-ah hian CFL season atan chauh contract ka ziak a, I League club min sawm an awm chuan inbiakna ka neihpui ang," a ti.

Mizo winger Mama hian East Bengal, Mohun Bagan, Salgaocar leh United Sports Club tan a lo khel tawh a, Indian Super League season hnihah khan Delhi Dynamos tan khelin tun season-ah erawh a inlan dawn ta lo a ni.

Mohun Bagan legend Jose Ramirez Barreto pawh a lo khelh tawhna Bhawanipore hi India international hlui Debjit Ghosh chuan a enkawl dawn a, Indian football-a hming langsar zingah Mama bakah hian Lalkamal Bhowmick leh Manish Bhargav te an la lut tawh bawk.