MPL 5 round khat Champhaiah khelh a ni dawn!

1st July, 2016

Mizoram chhunga football inlena sang ber Mizoram Premier League chu September 1 aṭangin khelh ṭan a ni dawn a, MPL5 Kickoff hi August 30, 2016-ah neih tur a ni.

MPL season li chhung khan match 233 khelh niin Lammual, Aizawlah vek khelh a ni. Tun season-ah erawh MPL Board-in ruahmanna thar an siam a, MPL5 Round 7 chu Chhangphut field, Champhaia khelh tum a ni.

Nimin khan Grand Hotel, Aizawlah MPL Board chuan MPL club pariat aiawhte nen season thar atana ruahmanna an neihte an thlir ho a, fixture pawh fel nghal a ni.

MPL5-ah champion lai Aizawl FC, Chanmari FC, Bethlehem Vengthlang FC, Zo United FC, Dinthar FC leh Chanmari West FC te abakah club thar pahnih kan hmu dawn. MPL5 Qualifier-a champion Ramhlun North FC chuan MPL4 aṭanga relegate Mizoram Police FC hmun ruak an luah ang a; Relegation Playoff-a Luangmual FC hnehtu Aizawl DFA first division champion Chhinga Veng FC te an tling bawk.

MPL4 Final Rematch

MPL5 Round 1-ah champion lai Aizawl FC leh Chanmari FC an inkhel dawn a, MPL4 final rematch boruak a sang nghal ang. Kumin inelna hi September 1-ah
ṭan tur niin match hmasa berah Zo United leh Bethlehem Vengthlang FC te an inkhel ang.

MPL5-ah hian semifinal leh final a awm leh dawn a, final lut tur zawnna inkhel hi double legged-a khelh tur a ni a, away goal rule hman a ni lo ang a, inkhel pahniha inhnehtawk chuan penalty shootout hmanga chak zawk zawn tur a ni ang. Champion tur zawnna inkhel erawh single leg-a khelh tur a ni.

Champhaiah Round 7

Mizoram hmun hrang hrangah MPL a lo darh zau zelna tur leh, mipuiin a hmun ngeia MPL an en theihna turin MPL Board chuan ruahmanna thar a siam a, Champhaia Chhangphut Field-ah MPL5-a Round 7 chu nghah tuma ruahmanna siam a ni.

Tuna duan lawk ang chuan October 6&7, 2016-ah Round 7 khelh tur a ni a, Champhaiah MPL club zawng zawng an zin ang. MPL Board lamin team-te kal leh haw man bakah Champhaia an cham chhung senso a tumsak ang.

MPL Junior

MPL5-a junior inelna hi Under 18-a kalpui tur a ni. January 1, 1998 leh a hnu lama piang chin tan khelh theih a ni ang. Player-te’n birth certificate dik tak an nei tur a ni a, an birth certificate hi an pian kum aṭanga kum thum chhunga ziah luh (register) a ni ngei tur a ni. August, 2016 chhungin MPL Under 18 registration hi tihfel tur a ni a, October, 2016 aṭangin khelh ṭan a ni ang.

Club pariatte vawi khat ṭheuh an inkhelh kual hnuah a sang paliin semi final an khel ang a, chumi zawkah final an khel zui ang - hei hi single leg-a khelh ve ve tur a ni ang.

MPL Under 18-te ziah luh dawn hian club danga khel mek player-te pawh ziah luh theih an ni a; nimahsela an club lam phalna neih tur a ni a, hei hi transfer pangngai ang ni loin MPL junior inkhel tur bik atan chauh a ni.

MPL pangngaiah MPL Under 18 player-te khelhtir theih an nihlaiin club dang aṭanga ziah luh Under 18 player-te erawh MPL-ah an khel thei lo ang. MPL Under 18 hi rawlthar zawkte hmasawn zelna atana buatsaih a nih vangin a registration pawh hi tihdanglam bik a ni - hei hi chu MPL-a kalpui dan pangngai a ni e.

MPL Ticket

MPL5-ah hian club tinin group match-ah ticket 100 zel inkhelh dawn apiangin an dawng ang. Ticket lut aṭanga 35% ve ve (70%) hi club lamin an dawng ang a, MPL Board-ah 30% a lut ang.

Ticket hi Rs 30/- man a ni ang a, school naupang uniform ha tan Rs 10/- a ni ang. Semi final-ah Rs 50/- niin Final-ah Rs 100/- a ni ang.

MPL5 Fixtures

ROUND 1

Day 1 : September 1, Ningani

Zo United Vs BVT FC

Chanmari FC Vs Aizawl FC

Day 2 : September 2, Zirtawpni

Chhinga Veng Vs Chanmari West

Dinthar FC Vs Ramhlun North

ROUND 2

Day 1 : September 8, Ningani

Dinthar FC Vs Chanmari FC

Zo United Vs Chhinga Veng

Day 2 : September 9, Zirtawpni

Aizawl FC Vs Ramhlun North

Chanmari West Vs BVT FC

ROUND 3

Day 1 : September 15, Ningani

Chanmari West Vs Dinthar FC

Aizawl FC Vs Zo United

Day 2 : September 16, Zirtawpni

Chhinga Veng Vs Chanmari FC

BVT FC Vs Ramhlun North

ROUND 4

Day 1 : September 22, Nilaini

Aizawl FC Vs BVT FC

Chhinga Veng Vs Dinthar FC

Day 2 : September 23, Ningani

Ramhlun North Vs Chanmari FC

Chanmari West Vs Zo United

ROUND 5

Day 1 : September 26, Thawhtanni

BVT FC Vs Dinthar FC

Chhinga Veng Vs Aizawl FC

Day 2 : September 27, Thawhlehni

Chanmari FC Vs Zo United

Ramhlun North Vs Chanmari West

ROUND 6

Day 1 : September 29, Ningani

BVT FC Vs Chhinga Veng

Dinthar FC Vs Aizawl FC

Day 2 : September 30, Zirtawpni

Zo United Vs Ramhlun North

Chanmari FC Vs Chanmari West

ROUND 7

Day 1 : October 6, Ningani

Aizawl FC Vs Chanmari West

Chanmari FC Vs BVT FC

Day 2 : October 7, Zirtawpni

Ramhlun North Vs Chhinga Veng

Dinthar FC Vs Zo United

ROUND 8

Day 1 : October 24, Thawhtanni

Chanmari West Vs Ramhlun North

Zo United Vs Chanmari FC

Day 2 : October 25, Thawhlehni

Aizawl FC Vs Chhinga Veng

Dinthar FC Vs BVT FC

ROUND 9

Day 1 : October 27, Ningani

BVT FC Vs Chanmari West

Ramhlun North Vs Aizawl FC

Day 2 : October 28, Zirtawpni

Chhinga Veng Vs Zo United

Chanmari FC Vs Dinthar FC

ROUND 10

Day 1 : November 3, Ningani

Zo United Vs Dinthar FC

Chhinga Veng Vs Ramhlun North

Day 2 : November 4, Zirtawpni

BVT FC Vs Chanmari FC

Chanmari West Vs Aizawl FC

ROUND 11

Day 1 : November 10, Ningani

Ramhlun North Vs BVT FC

Chanmari FC Vs Chhinga Veng

Day 2 : November 11, Zirtawpni

Zo United Vs Aizawl FC

Dinthar FC Vs Chanmari West

ROUND 12

Day 1 : November 14, Thawhtanni

Chanmari West Vs Chanmari FC

Ramhlun North Vs Zo United

Day 2 : November 15, Thawhlehni

Aizawl FC Vs Dinthar FC

Chhinga Veng Vs BVT FC

ROUND 13

Day 1 : November 17, Ningani

Zo United Vs Chanmari West

Chanmari FC Vs Ramhlun North

Day 2 : November 18, Zirtawpni

Dinthar FC Vs Chhinga Veng

BVT FC Vs Aizawl FC

ROUND 14

Day 1 : November 24, Ningani

Ramhlun North Vs Dinthar FC

Chanmari West Vs Chhinga Veng

Day 2 : November 25, Zirtawpni

Aizawl FC Vs Chanmari FC

BVT FC Vs Zo United