Galatasaray player thar Gabriel Sara

Norwich City midfielder Gabriel Sara chuan Premier League an khelh phak dawn tak lohah chuan, Championship club hi chhuahsanin Galatasaray a pan a, Turkish Super Lig club hian a man atan pound maktaduai 15.3 an inseng.

Kum 25 mi midfielder hian Turkish club-ah hian kum nga chhung atan contract a ziak a, hming chher a beisei ang. Sara hian kum 2022 khan São Paulo aṭangin Norwich hi £6mtd bakah, a khelh ṭhat dan a zira a man sang chho thei turin a zawm a, a che chhe lo.

Championship club tan hian season hnih chhungin inelna hrang hrangah match 96 khelin goal 38 a khungsak a, assist vawi 26 a nei. Championship Team of the Season-ah pawh Sara hi a lang a, Norwich hi table-ah parukna nihpuiin, playoff a hruai thleng.

Mahse, Norwich hian playoff semifinal-ah Leeds United an ngam lo a, first leg-ah 0-0 in chelh mah se, second leg-ah 4-0 in an mualpho. Premier League an khelh dawn tak lohah chuan Sara pawhin Turkey lam a pan zui ta a ni.