March 1 aṭangin Santosh Trophy
India rama states leh government institutions te tana football inlena sang ber Santosh Trophy hi kum tina neih ṭhin a ni a, champion lai chu Mizoram an ni. March 1, 2015 aṭangin Punjab-ah final round hi khelh ṭan tur a ni.
Mizoram Premier League awm hnuah Mizoram football-in hma a sawn a, Santosh Trophy an champion bakah National Games-a football inelnaah gold medal an la bawk. Tun hnaia Mizoram record hi ṭha viau mah se history thlir let chuan Mizoram sulhnu hi a la beitham hle.
Santosh Trophy hi kum 1941 aṭangin ṭan a ni a, champion hmasa ber West Bengal-in record an nei ṭha ber. Mizoram-in vawi khat chiah an la champion laiin West Bengal hi vawi 31 an champion tawh a, tun ṭumah hian Mizoram leh West Bengal hi group khatah an awm lo. Chutihrualin National Games group stage-ah Mizoram-in West Bengal hi an hneh a, Santosh Trophy champion lai hi champion beiseiawm zinga mi an ni.