ECA-in zângnadawmna a phut

European Club Asso­ciation hruaitute chuan World Cup 2022 chu thlasikah khelh a nih dawn chuan FIFA-in Europe club-te hnenah zângnadawmna a pe tur a ni an ti a, an thuchhuak hi FIFA hnenah an thlen nghal.

ECA chairman Karl-Heinz Rummenigge chuan, "FIFA thuchhuak hian min barakhaih hran lo. Engtikah emaw chuan he thutlukna nen hian FIFA hi a rawn dingchhuak tho tho in kan lo ring sa a ni," a ti.

Bayern Munich chairman ni bawk Rummenigge chuan, "Thlasika Qatar World Cup neih tur rawtna hian football chhungkua nasa takin a nghawng dawn a ni. Thlasikah khelh a nih dawn tak tak chuan kan tan chuan a harsa in chona hmachhawn tur a tam dawn a, league hrang hrang khelh hun dan pangngaia kan lo neih ṭhin tawhte pawh an khelh hun tihdanglam vek a ngai ang. Hei vanga club in sum leh pai a sen tur leh a hloh tur ringawt pawh hi a tam em em a, kan sum leh pai hloh tur zawng zawng hi FIFA chuan min pek let vek a ngai ang" a ti.

European Club Associa­tion hnuaiah hian association 53 a awm a, club 214 an awm mek a ni.