India Probables Squad-ah Jeje leh Didika

Indian national football team coach Stephen Constantine chuan nimin khan 2018 FIFA World Cup preliminary round-a India aiawh tur player 32 a puang a, Mizo tlangval Jeje Lalpekhlua leh Lalrindika Ralte a telh an ni.

India hian Preliminary Joint Qualification Round 1-ah March 12 hian Indira Gandhi Athletics Stadium, Guwahati-ah Nepal an hmachhawn ang a, March 17-ah Kathmandu, Nepal-ah second leg khelh leh tur a ni.

English coach Constantine chuan, "Savio Medeira leh Venkatesh te puihna zarah player 50 kan thlang chhuak zet a, chumi zawh chuan Venky nen ṭhu dunin player 32 te hi kan thlang chhuak," tiin a sawi.

Player 32 thlan chhuah te hi I League Round 8 khelh zawh hunah player 26-ah tih tlem an ni ang a, March 4 aṭangin Guwahati-ah camp an nei ang.

Player 32 chu :
Goalkeepers
Subrata Paul, Karanjit Singh (both Salgaocar FC), Gurpreet Singh Sandhu (Stabaek IF), Arindam Bhattacharya (Kalyani Bharat FC)
Defenders
Keegan Pereira, Rino Anto (both Bengaluru FC), Saumik Dey, Raju Eknath Gaikwad, Arnab Mondal (East Bengal Club), Aiborlang Khongjee (Shillong Lajong FC), Sandesh Jhingan (Sporting Clube de Goa), Rowilson Rodrigues (Dempo SC), Augustine Fernandes (Salgaocar FC), Pritam Kotal (Mohun Bagan AC)
Midfielders
Prabir Das, Francis Fernandes, Lenny Rodrigues (all Dempo SC), Eugeneson Lyngdoh (Bengaluru FC), Mehtab Hossain, Cabin Lobo, Lalrindika Ralte (all East Bengal Club), Dhanapal Ganesh, Anthony D'Souza (both Pune FC)
Forwards
Mandar Rao Desai, Romeo Fernandes, Alwyn George, Holicharan Narzary (all Dempo SC), Sunil Chhetri, Robin Singh (both Bengaluru FC), Balwant Singh, Jeje Lalpekhlua (both Mohun Bagan AC), Jackichand Singh (Royal Wahingdoh FC)
Officials
Stephen Constantine (Head Coach), Shanmugam Venkatesh (Assistant Coach)