Ireland an chak leh ta

ICC World Cup 2015-ah Ire­land an chet ṭha chhunzawm zel a, an match hmasa berah beisei loh taka West Indies an hneh hnuin UAE chu nimin khan wicket hnihin an hneh.

Brisbane Cricket Ground, Australaia a inkhelah hian bat hmasa zawkah UAE an ṭang a, over 50-ah wicket pakua hlohin run 278 an tlin. UAE tan Shaiman Anwar-a che ṭha a, ball 83-a hmachhawnah run 106 vawchhuakin century a siam.

Ireland-in an target run 279 hi umin over 49.2-ah 279 an vawchhuak a, an umpha lo teuh hle. Ireland tan player khel ṭha fal an awm hran lo a, wicket keeper/batsman Gary Wilson chuan ball 69-ah run 80 vawchhuakin a ṭhiante'n an thlawp ṭha a, Kevin O'Brien chuan ball 25-ah run 50 vawchhuak bawkin hnehna an chang ta a ni.