Zweden chungah Swansea an lawm lo

Swansea club-in an director John van Zweden chungah an lawm lo, a chhan chu Manchester United manager Louis van Gaal na taka a sawisel vang a ni.

Kar kalta Inrinni zana Swansea-in Manchester United an hneh hnu khan an director Zweden hian United manager chu mi chapo leh sual tak a nih thu a sawi chhuak a, hei hi Swansea chuan pawi an ti hle.

Van Gaal leh Van Zweden te hi Dutch ve ve an ni a, United manager hi Amsterdam khaw chhuak a ni a, Swansea director hi Amsterdam a piang ve tho nimah se Den Haag-ah a cheng ṭhin.

Swansea chairman Huw Jenkins chuan, "Kan director-te zinga mi pakhatin club dang manager chungchang mawi lo tak a alo sawi chhuak hi a pawi tak zet a ni. Kan club hian Premier League club dangte nen inzawmna ṭha tak kan nei a, he kan boruak ṭha tak hi chhuanawm kan tiin chhawm nun zel pawh kan duh. Chutih laia kan mi leh sa ten hlawkna awm miah lo tur a club dang manager chanchin an lo sawi chhuak hi a ṭha lo hle," tiin an director-inn United manager a lo sawisel chiam chu pawi a tih thu a sawi.