Ireland tan hmasawnna tur a tam - O'Brien

Ireland batsman Niall O'Brien chuan World Cup match khelh tur an la hmabakah hmasawn an mamawh thu a sawi.

Ireland hi Pool B-ah awmin an match hmasa berah rin loh takin West Indies an hneh a, Nilaini khan UAE an hneh leh bawk. Ireland hian point li an nei tawh a, super eight a lut turin chance ṭha tak an nei mek.

Kum 33-a upa O'Brien chuan UAE an hneh ṭum thlir kirin, "Hneh lo ta ni ilang chuan kan tan a pawi thui dawn lutuk. Kha ai khan kan khel ṭha zawk thei tih ka hria a, chutiang chuan kan khel ngei bawk tur a ni," tiin wicket hnih chauha UAE an hneh chu a duhtawk lo hle.

Ireland hian champion tura rinkai South Africa, Zimbabwe, Pakistan leh champion lai India te an la hmachhawn dawn.