Sri Lanka-in Bangladesh an sawp

Nimin khan Sri Lanka-in ICC World Cup-ah Bangladesh chu run 92-in an hneh.

Melbourne Cricket Ground, Australia-a inkhelah hian Sri Lanka an bat hmasa zawk a, wicket khat chauh hlohin over 50-ah run 332 an vawchhuak. Sri Lanka tan ball 146 a hmachhawna run 161 vawchhuaktu Tillakaratne Dilshan leh ball 76 a hmachhawna run 105 vawchhuaktu Kumar Sangakkara te an che ṭha a, a tawp thleng damin dinhmun duhawm takah Sri Lanka an hlangkai.

Bangladesh lam bat hun a thleng a, an batsman ten Sri Lanka bowler te an ngam loh an tuar a, over 47-ah run 240 vawchhuakin an vaiin an out vek. Sri Lanka tan fast bowler Lasith Malinga chuan run 35 chiah pein wicket thum a la a, chiang takin Sri Lanka an chak ta a ni.